وصل الله العالي وعيد بجاد بن شده

غرس الورود اللي علي فايض النيل
ما تشرب الاء سفح فايض بحرها

تثمر ويزهاها جميع التشاكيل
ويبين فرق انتاجها من ثمرها

عقب استوى مصيافها بالمحاصيل
قامت هل الاهرام تنقل اصورها

وكم واحداً منها جراله بهاذيل
حتى البحور الهايجه قد عبرها

يقفي ويقبل مثل شغل المراسيل
والعين بيّن سقمها من سهرها

يرجي عوضها فالليال المقابيل
ياجعلها تعطيه غرت نحرها

وان ما حصله من وراها مداخيل
ايجوز من منتوجها ويهجرها

وشبه النجوم اللامعه في سما الليل
فالليله اللي غاب عنها قمرها

تقّدابها الاجيال جيلٍ بعد جيل
وتحفظ مسيرتها ويمشى باثرها



(مجاراه للشاعر وصل الله العالي)



قافٍ بدابه وصل جاب الغرابيل
في فكر عودٍ سابحٍ في نهرها

عودٍ يحط البن والهيل والحيل
رزقه على اللي دار مدّيّن دمرها

ماحسب الدنيا وقل المحاصيل
واهل الوجيه الفالحه ماحقرها

يقدح زناده مع كبار الرياجيل
وفي غبة التسعين يجني دررها

وعن بعض شعار النبط سكر التيل
عن سلمها ودلولها ماقهرها

لكن يعشق نادرات والمواويل
من شاعراً يقطف زهر من زهرها

شاعرعرفنا بعض شعره مع الجيل
مع شلوة الكفار نقوة جبرها

بقروبهم نقرا جزيل التماثيل
اللي على الشعار غالي مهرها

اقروبكم في الشمطري والاكليل
والرايه البيضاء عليكم نشرها

الشاعر عيد بجاد بن شده

صح لسانك اخي عيد ابن شده

تقديري وارق تحاياي لسموك

صح بدنك مليون وحياك الله في متصفحي

مشكوووووور والله يعطيك الف عافيه

لاهمت ياسمير وصح بدنك