لاتكشف اسرارك ..!

لاتكشف اسرارك على بعض الاصحاب
ادفـن .. جميـع اســرار قلبــك .. بروحك
بعض البشر .. يفرح بشوفتـْك منصـاب
يرقــص على همـك .. ويعـزف : جروحك
خلك غموض سطـور .. في داخل كتـاب
يصـعب لهم تفسـير .. صمـتك ، وبوحك
مافيه داعي : تشرح اوضاع ، واسبـاب
ماكل من يسمعـك .. يبــقى : نصــوحك
الا مع اهـل الديـن .. في بعض ماغـاب
في : مسـألة .. وضّـح لهـم في شروحك
وحزنـك ، وهمـّك .. بـثـّه : لـرب الاربــاب
هــو الـذي .. يسـمــع : لبثــك ، ونـوحـك
والا البـشـر .. مالهـم بتفريــج الاكــراب
إلا فـضـــول .. لمعــرفـَتـْـك ، ووضــوحك
خـلك سمـو اخــلاق .. لو ساسـك تـراب
وعلى القمـم شـيّـد .. معــالي طمــوحك
بالصـبر ، والإيمـان .. لك أجـر ينسـاب
على الهمـم ، والـعـزم .. ارفـع صروحك
وبالآخـرة .. كـلٍ لـه : كتــاب ، وحسـاب
امـا : شـقـا روحـك ، او اسـعـاد روحـك

#سالم_مقبول 🌹

صح الله لساانك وقلبك شاااعرنا
صدقت والله نصايح من ذهب وابداع ليس بمستغرب منك
ليتنا نستمع للنصايح وننفذها قبل ماننقرص مثل كل مرره
الله يسعدك ومنور المنتدى

أهلاً بالعذبة والنور نورك
الله يحفظك ويرفع قدرك ويجزاك خير
تسلمين على الكلام الطبب وصح بدنك
كل الشكر
،،